SA kookboek vir allergieë en voedselsensitiwiteit. Hilda Lategan

wortel-en-aartappelsop••••••••Blomkoolsop••••••••Groentesop••••••••Botterskorsiesop••(•)•(•)(•)••

      Suikermieliesop

      LEWER 1,2 LITER

Vry van:	K	G	Mi	E	Me	L	So	K+P
	•	•		•	(•)	(•)	(•)	•

Voedingstofanalise per porsie (± 300 ml):
738 kJ	26,9 g CHO	4,8 g proteïen	4,4 g vet
1,2 g MOVS	1,5 g POVS	1,7 g VV	2,0 g vesel

      20 ml botter of margarien

      1 middelslag-ui, geskil en gekap (100 g)

      25 ml mielieblom

      415 g-blik KOO- geroomde suikermielies

      300 ml laevetmelk

      500 ml kookwater

      10 ml Ina Paarman-hoenderaftrekselpoeier

      25 ml droë pietersielie

      sout na smaak

      ’n knypie peper

      1.Smelt die botter of margarien en roerbraai die ui tot deurskynend.

      2.Meng die mielieblom, suikermielies en melk saam en roer by die gebraaide ui. Meng die kookwater en hoenderaftrekselpoeier. Roer die vleisaftreksel en pietersielie by die suikermieliemengsel. Verhit tot kookpunt en laat prut vir 3-5 minute terwyl aanhoudend geroer word om aanbranding te voorkom. Geur na smaak met sout en peper. Sit die sop warm voor.

      Kan ek dit bêre?

      Die sop kan vir 24 uur verkoel word. Bevriesing word nie aanbeveel nie.

SPYSKAART-IDEE•Suikermieliesop•Brood of kraakbeskuitjies van jou keuse•Gerasperde kaas of biltong volgens verdraagsaamheid en keuse

VOORSTELLE EN VARIASIES•Vervang die melk deur laevet-sojamelk, dan is die gereg melk- en laktosevry maar nie sojavry nie.•Vervang die melk deur verminderdevet-klappermelk, dan is die gereg melk- en laktosevry.

      Aartappel-en-suikermieliesop

      LEWER 1,25 LITER

Vry van:	K	G	Mi	E	Me	L	So	K+P
	•	•		•	(•)	(•)	(•)	•

Voedingstofanalise per porsie (± 250 ml):
793 kJ	34,1 g CHO	5,5 g proteïen	1,9 g vet
0,5 g MOVS	0,2 g POVS	1,2 g VV	3,0 g vesel

      500 g aartappels, geskil en in kwarte gesny

      2 selderystingels met blare, afgespoel en gekap (± 25 g)

      1 klein ui, geskil en gekap (50 g)

      500 ml kookwater

      5 ml sout

      415 g-blik KOO- geroomde suikermielies

      375 ml laevetmelk

      gekapte vars pietersielie na smaak

      1.Plaas die aartappels, seldery, ui, kookwater en sout in ’n kastrol. Verhit tot kookpunt, verlaag die hitte en laat prut (met die deksel op) vir 15-20 minute of totdat die aartappels sag en gaar is.

      2.Druk die aartappels fyn, roer die geroomde suikermielies en melk by en verhit weer tot kook-punt. Roer en kook vir 2 minute tot stomend warm.

      3.Roer die gekapte pietersielie by die sop en sit dit stomend warm voor.

      Kan ek dit bêre?

      Die sop kan vir 24 uur verkoel word. Bevriesing word nie aanbeveel nie.

SPYSKAART-IDEE•Aartappel-en-suikermieliesop•Brood of kraakbeskuitjies van jou keuse•Gerasperde kaas of biltong volgens verdraagsaamheid en keuse

VOORSTELLE EN VARIASIES•Vervang die melk deur laevet-sojamelk, dan is die gereg melk- en laktosevry maar nie sojavry nie.•Vervang die melk deur verminderdevet-klappermelk, dan is die gereg melk- en laktosevry.