Аращ сипкъ псори щӀэдияр,
Дунейм хуэбагъэ темытыж,
Жэщ уаем псори щодииж,
Силъ плъар етӀани мыупщӀыӀу.
«ЗауэлӀыр сихьэм бий гущӀыӀу»
Ар жысӀэу фӀыгъэм сыщӀохъуэпс.
Мычэму къесми бгыщхьэм уэс
А гугъэр сиӀэу сыпӀыщӀэн?
СИГУ ПЛЪАУ СЭ ХУАБЭ СЫЩЫЩIЭН?
Сигу плъау сэ хуабэ сыщыщӀэн?
Пшэ кусэм уафэр кӀыфӀ ищӀами
Мэзэгъуэщ жэщыр икӀи нэхущ.
Окоп зэв блыным егъэщӀауэ
Сэлэтхэм псалъэу заущэху.
Гъатхэпэ жэщым хуэму хощӀри
Щытын мыпсалъэу ар лъэкӀын!
ЗигъэпщкӀуу мазэр пшэхэм пхопщри,
Разведкэ кӀуэуэ къыщӀэкӀынщ.
СИ ФОЧЫМ IЭПЛIЭ ЕСШЭКIАУЭ
Си фочым IэплIэ есшэкIауэ,
Окоп блын щIыIэм зызогъэщI,
Гупсысэ хьэлъэр къыстеуауэ,
Абы сэ си гум ныхегъэщI.
Мэгубжь сигу Iэлыр, зешхыхьыж, —
Ди адэжь и унэм бийр щIыхьащ.
Лейзехьэр и щхьэм къыщотхъуж,
Си анэжьым гуауэр жьэхихьащ.
Нэмыцэр хуэму бжьэпэм докI,
Къурш щхъуантIэ дахэм щыту йоплъ,
ЩIыгу сыщапIами тетын лъокI,
Ар сыту хьэлъэ. Си гур къоплъ.
Ар бийм хуэздэнкъым, щIы уи фIэщ,
Абы и щIапIэм сынэсынщ,
Ди щIыгу къарукIэ сэ сылъэщщ.
А бийм сэ мащэр лъызгъэсынщ
ЗЭНЫБЖЬЭГЪУИТӀ
I
УӀэгъэу сэ стелъым
Сихьынущ, си къуэш,
Уэ псэууэ укъонэ —
Насыпыр мыгуэшщ.
Зауаем зауэлӀу
Шу пхъашэу хэтар
Биишэ техуауэ
ЛъэмыкӀыу джэлай.
Зэуэным хуэкӀуэну
Сигу Ӏэлу етар
Дэп пщтыру силыпщӀу
Бгъэгу щӀыӀэм къинаи…
Си джатэр сэ скъузу
ЗауапӀэр збгынаи…
Аргуэру зысӀэтри
Бийм дежкӀэ сеӀат,
Къаруи симыӀэу
ЩӀы щӀыӀэм зестат.
СыхуэлӀэт бгыпс щӀыӀэ,
АрщхьэкӀэ пшэхъуалъэт
Сэ лъыкӀэ згъэнщӀар,
СощӀэжыр сэ псори.
II
УӀэгъэу сэ стелъым
Сихьынущ, си къуэш,
Уэ псэууэ укъонэ —
Насыпыр мыгуэшщ…
Уафэгуу щӀыху дахэм
Си нитӀыр етауэ,
Сеплъ пэтми а уафэр
Ди уафэм емыщхьт.
Къарууи сиӀахэр,
Силъ пщтырыр кӀуэдащ,
Сэ си гур зы тӀэкӀуи
Си гъащӀэм щымысхьт.
Абдежым укъэсри
Гын Ӏугъуэм сыхэпхщ,
Зи дамэ къутауэ
Бгъэ губгъуэм къинауэ.
Зауаем зауэлӀу
Шу пхъашэу хэтар
Биишэ техуауэ
ЛъэмыкӀыу джэлаи.
Зэуэным хуэкӀуэну
Сигу Ӏэлу етар
Дэп пщтыру силыпщӀу
Бгъэгу щӀыӀэм къинаи…
III
УӀэгъэу сэ стелъым
Сихьынущ, си къуэш,
Уэ псэууэ укъонэ —
Насыпыр мыгуэшщ.
Къум джафэм и махуэр
Дыгъэпсу