Бийм ди лӀыгъэр едгъэщӀэнщ,
А фашистхэу дищӀ къихьахэр
Ӏэщэ жанкӀэ хэдгъэщӀэнщ.
Ди нэм къеӀэм и псэм деӀэу
Дэ игъащӀэм ди хабзащ.
Уэ зауапӀэм дибгъэхьэхукӀэ,
Бийм дытекӀуэу дыбгъэсащ.
Дэ ди шухэр щхьэмыгъазэщ,
МафӀэу ди гур зэщӀэнэнщ,
ЩӀы уи фӀэщ уэ, Сталин лъапӀэ:
Бий дищӀ лъэщым къидмынэн.
УIЭГЪЭ
Топышэм щIыпцIэр кърихуау,
Къутахуэр си бгъэм къытехуат.
СIэщIэхущ си Iэщэр сэ абдеж,
Лъы пщтырыр си бгъэм, сыт, къреж, —
Къум псыншэр силъкIэ сэ согъэнщI,
ТкIуэпс плъыжьхэм удзыр яуфэнщI.
Топышэм губгъуэр зэхавау
Гын Iугъуэр дыджу щхьэщыуващ,
Мэзджызджыр ди щIыр, мэгумэщI,
УIэгъэр удзкIэ сэ солъэщI,
Къуэ кIуэцIым, нэпкъым щыуэр топщ.
Сэ си гур, миси зэгуоп,
Абы зэуэнкIэ зимыгъэнщI —
Къарур уIэгъэм сфIыхегъэщI.
ЗауэлI илъ зауэм щымыкIуэд,
БлэкIынщ иджыри махуэ куэд.
Удз тхьэмпэ плъыжьхэр кIуэдыжау,
НэгъуэщI нэхъ дахэу къикIэжау,
УIэгъэр дыркъуэу сэ сиIэнщ,
ИтIанэ дищIми мыр жесIэнщ:
«Уэ дэрэ дыркъуэ къыттенащ,
АрщхьэкIэ бийхэм датекIуащ».
КОМАНДИР
Я автоматхэр узэдау,
Бийм и быдапӀэм илъэдау
Атакэ кӀуэхэрт зауэлӀ гуп,
Я сумкэр илъу я щӀыбыку.
ЩопӀэнкӀыр дэни уэшхыу шэр,
Арщхьэ мышынэу ахэр жэрт.
Биилъ зауэлӀхэм ягъэжащ,
Нэмыцэр щтэри щӀэпхъуэжащ.
Сержант лӀыхъужьхэм я пашар
И гъусэ псоми ятежат.
Ажалыр бийхэм хуигуэшау
ИтӀани щӀалэр емыша!
ПщӀэнтӀэпсыр ӀэкӀэ ирекъуэкӀ,
ФынакӀуэ! – жиӀэу къызоплъэкӀ,
Арщхьэ зауэлӀу и гъусар,
Къэнат, уӀэгъэр ялъысау.
ХЭТ ГЪАЩӀЭР ПЩӀЭНШЭУ ЗЫЛЪЫТЭР?
Хэт гьащӀэр пщӀэншэу зылъытэр?
Хэт дежкӀэ гъащӀэр уасэншэ?
ЩӀым дыгъэр дэни толыдэ,
Егуэшыр нурыр мардэншэу.
Лъысыныр гъащӀэр игъуэджэу,
ЩӀым хьэщхьэвылъэ щымащӀэт?
Дунейм къытехьэу а фаджэм
Хуэфащэт махуэ щигъащӀэм?
ГурыфӀыгъуэншэт а ящӀэр,
(Ар си гум илъи куэд лъандэ)
Псэун хуэмейхэр лӀэн папщӀэ
ЦӀыху гъащӀэ лъапӀэр токӀуадэ.
КӀыхьщ сабий зеиншэм и гуауэр
Сигу зэгуэуду си жагъуэщ,
Нэмыцэ псэууэ къэнауэ
Ди шыпхъу фызабэу щыслъагъукӀэ.
ПАРАШЮТИТӀ
Уафэ щхъуантӀэм хэӀупщӀыкӀыу
ХужьыгъитӀыр къэлъэгъуащ,
Япэм Ӏугъуэм хомыщӀыкӀыу
МашинитӀи къехуэхащ.
Ярысауэ лётчикитӀи
ПарашюткӀэ къелъэжат,
Зым и лъабжьэм зыр къыщӀэтти
Ищхьэм къитыр къэгушхуат.
Къохыр тӀури жьым щӀиупскӀэу,
Уэгум иту зэтеплъэху,
Ищхьэм тетыр къепӀэщӀэкӀыу
Лъабжьэм