b. Die (blaf) honde hardloop agter die kos se reuk aan.
c. Waar is die (streep) hond wat so honger is?
9. Lees die volgende sin. Skryf die sin oor deur met die skuinsgedrukte woorde te begin. (2)
Die honde hardloop. Die honde hoef nie . . .
10. Skryf die volgende sinne oor. Vul dan ’n bywoord in. (2)
a. Die kos moet afgelewer word. (Bywoord van tyd)
b. Die winkel het die kos bestel. (Bywoord van plek)
Totaal: 15 punte
Formele assessering: Jou onderwyser kan jou antwoorde formeel assesseer vir Taak 3 in kwartaal 1.
In hierdie aktiwiteit gaan jy
’n kortverhaal lees
die kortverhaal bespreek.
Jy het in Module 1 met die kortverhaal kennis gemaak. In Aktiwiteit 3 het jy idees gekry hoe om jou eie baas te word. In die kortverhaal “Die windpomp” in jou Piekfyn Afrikaans Leesboek, het die hoofkarakter, George, ook ’n idee gekry.
Prelees: Kyk na die foto en bespreek die volgende vrae met jou maat.
Waarvoor word ’n windpomp gebruik?
Weet jy hoe ’n windpomp werk? Vertel vir mekaar of gaan vind uit.
Wat kan jy aflei vanuit die foto en die titel oor waar die verhaal afspeel?
Watter tipe werk dink jy doen George se ouers as jy na die foto kyk?
Tydens lees: Gaan lees nou die kortverhaal “Die windpomp” in jou Piekfyn Afrikaans Leesboek aandagtig deur.
Postlees: Voltooi die volgende blokkiesraaisel oor die kortverhaal.
| Dwars | Af | ||
| 2. | Wat gebruik hulle om kos te maak? | 1. | Watter beroep beoefen George se pa? |
| 5. | Hoeveel windpompies het George die eerste dag verkoop? | 3 | George se pa sê hy moet ’n slim . . . word. |
| 6. | Waarmee het George die sinkplaat gesny? | 4. | Die windpomp staan langs ’n . . . |
| 8. | Die skrywer se van. | 5. | Die totale getal lede van die gesin. |
| 9. | Watter soort persoon werk met siek diere? | 7. | Die seisoen wanneer die verhaal afspeel. |
| 10. | Die . . . verteller is in hierdie verhaal aan die woord. | ||
Lees ’n artikel oor idees vir ’n garageverkoping. Voorspel eers waaroor die artikel gaan voordat jy die vrae beantwoord. Bespreek die artikel wat jy gelees het en hou dan ’n forumbespreking oor hoe julle vir ’n vlooimark kan voorberei. Lees ook ’n gedig oor ’n outydse winkel. Beantwoord vrae oor die gedig.
Gebruik die kenmerke van ’n artikel en skryf ’n koerantartikel oor julle vlooimarkdag.
Leer meer byvoeglike naamwoorde en hersien jou ander taalkennis.
Sluit die module af deur die drama “Die grot en die smokkelaars” in jou Piekfyn Afrikaans Leesboek te lees. Dis nou maar beter om nie met uitgeslape seuns te sukkel nie. Kyk of jy saamstem.
In hierdie aktiwiteit gaan jy
’n artikel lees
vrae oor die artikel beantwoord
die byvoeglike naamwoord hersien en vrae beantwoord.
Al gedink hoe jy ekstra sakgeld kan verdien? Die volgende artikel kan jou met idees help.
Prelees: Voorspel waaroor die artikel gaan.
Lees die stelling in die middelste kolom en merk dan jou antwoord in die eerste kolom af. Nadat jy die artikel gelees het, merk jy weer jou antwoord in die laaste kolom af. Vergelyk dan jou antwoorde.
| Voordat jy die storie lees. | Stelling | Nadat jy die storie gelees het. |
| Stem saamStem nie saam nie | Die huis se garage word verkoop. | Stem saamStem nie saam nie |
| Stem saamStem nie saam nie | Die mense verkoop al hulle items in die garage. | Stem saamStem nie saam nie |
| Stem saamStem nie saam nie | Dit is soos ’n vlooimark met items wat mense nie meer gebruik nie. | Stem saamStem nie saam nie |
| Stem saamStem nie saam nie | Die mense maak die garage skoon. | Stem saamStem nie saam nie |
Die volgende woordeskat kan jou help om die teks beter te verstaan.
afgeleefde – wat stukkend is en nie meer gebruik kan word nie
bespied – mooi kyk wat aangaan
harde kontant – geld
kennisgewingborde – inligtingsborde waarop jy inligting en kennisgewings kan plaas
kombuisware – items wat in die kombuis gebruik kan word
omskep – verander in iets anders
opslaantafels – tafels wat maklik opgevou kan word
uitgediende – wat nie meer gebruik kan word nie
voornemende – potensiële, moontlike kopers
wees altyd bedag – wees altyd versigtig en voorbereid op wat kan gebeur of wat aangaan
Tydens lees: Lees die artikel nou aandagtig deur.
Hou jou eie straatverkoping of winkelverkoping
Baie mense gebruik die garage nie net vir hulle motor nie. Jy kry selfs ’n ou broodrooster, Kleinboet se treinstel, ’n trapfiets en ’n boks vol ou kombuisgoed daar. Dan is dit tyd dat jy jou eie straatverkoping reël. Jy kan ook ’n kafee inrig.
Omskep die onnodige goed wat jou plek en jou lewe oorlaai in lekker harde kontant. Hier is ’n paar wenke om jou te help om jou eie uitverkoping te reël:
Maak ’n lys van alles wat jy wil verkoop. Gaan alles na: kyk of elektriese apparate of jou kraggereedskap nog werk.
Sit pryse op alles. Wees bereid om met kopers te onderhandel.
Maak kleurryke A4-plakkate en plaas hulle op kafees en jou plaaslike biblioteek se kennisgewingborde. Dui die datum, adres en tyd duidelik aan.
Kry genoeg opslaantafels om jou produkte op uit te stal.
Sulke verkopings word tradisioneel garageverkopings genoem, maar moet dit nie letterlik in jou garage hou nie. Pasop dat inbrekers nie kyk wat aangaan nie. Hou die verkoping buite of onder jou motorafdak.
Sorg dat al die items skoon is.
Pasop vir mense met lang vingers: hou alles mooi dop.
Vir