b. Die (eier+dop) is baie hard en word nie gebruik nie.
c. Daar groei ’n (vy+boom) agter in die bakker se tuin.
3. Skryf een woord (afleiding/samestelling) vir die skuinsgedrukte woorde.
a. Die persoon wat die eienaar van ’n winkel is, staan buite.
b. Die dief steel sonder dat hy gesien word brood.
4. Gebruik voor- en/of agtervoegsels en vorm nuwe woorde van die volgende basisvorme. Gebruik die woord in ’n goeie sin.
a. woord
b. koop
c. sien
5. Skryf uit watter basisvorm(e) die skuinsgedrukte woorde saamgestel is.
a. Lees op die bord by die bakkery.
b. Die reisiger is baie honger.
c. ’n Eensame bedelaar stap weg.
6. Skryf sinonieme vir die skuinsgedrukte woorde.
a. Die brood proe lekker.
b. Jy moet vroeg by die bakkery wees.
7. Skryf antonieme vir die skuinsgedrukte woorde.
a. Sjoe, dit ruik baie lekker.
b. Ek is honger.
8. Skryf die volgende sinne in die ontkenning.
a. Die bakker kyk hom verbaas aan.
b. Iemand het gesien wat Reisiger gedoen het.
In hierdie aktiwiteit gaan jy
’n internet-artikel lees vir begrip
vrae oor die artikel beantwoord
taalkennis hersien.
Leesbegrip
Prelees: Gesels met mekaar oor die volgende vrae:
Wie in die groep/klas doen ekstra werkies vir geld?
Op watter verskillende maniere kan jy ekstra geld verdien?
Op watter manier verdien die kinders in die illustrasie geld?
Watter soort uitgawes gaan hulle dalk hê?
Bespreek die volgende woordeskat met jou maat.
hoog wil vlieg – wil iets beter doen as waartoe jy in staat is
na-aper – iemand wat dieselfde dinge as jy doen
nuttige – jy kan dit gebruik
omskep – om te verander
tuisnyweraar – iemand wat iets self maak of bak en dit verkoop
veilings – waar iets teen die hoogste aanbod verkoop word
voornemende – as jy van plan is om iets te gebruik
welkome ekstratjie – iets ekstra waarvan jy hou
Tydens lees: Maak beurte en lees die volgende artikel deur.
Word jou eie baas vir net R200 (of so ietsie meer)
1Wil jy graag ’n besigheid begin, maar kort geld? Luister na die volgende wenke. Met so min as R200 kan jy in jou vrye tyd ekstra sakgeld verdien. Dalk word jy selfs jou eie baas!
2Kunstenaars en tuisnyweraars (home entrepreneurs) vind dit soms moeilik om hulle produkte te bemark. Omskep ’n ongebruikte buitegebou in ’n aanskoulike “kuns- en tuisnywerheid” en nooi alle kunstenaars en tuisnyweraars in jou omgewing uit om daar uit te stal. Maak net seker dat jy behoorlik adverteer. Jou koste is ’n sekere persentasie van elke verkoopte artikel se verkoopprys.
3Bied poppespelvertonings by kinders se partytjies aan. Met groot opvoubare stukke karton (mooi geverf) vir jou poppekas en eiegemaakte handpoppe kan jy nogal gesog raak as jy werklik iets besonders kan aanbied.
4Omskep jou werf in ’n troeteldiersalon (doggy parlour). Jy kan verskillende dienste adverteer soos haresny, naelversorging, bad en selfs spesiale pels- en velversorging.
5Organiseer gereelde Saterdag-rommelverkopings in jou buurt. Almal het “wit olifante” in hulle garage of buitekamer wat hulle nie meer wil hê nie. Jy kan self sulke artikels by huise kollekteer, dit dan op goed geadverteerde veilings verkoop en ’n stewige kommissie vir jouself neem in ruil vir jou ondernemerskap.
6 En moenie te hoog wil vlieg as jy nog nie baie kapitaal daarvoor het nie. Te veel entrepreneurs verbrand hulle vlerke heel in die begin.
(Verwerk uit: www.mieliestronk.com)
Postlees: Beantwoord die volgende vrae oor die artikel.
Vrae oor die inhoud van die artikel.
1. Watter vier idees word in die gedeelte genoem? (4)
2. Waar het die artikel verskyn? (1)
Vrae wat toets of jy die artikel verstaan.
3. Verduidelik in jou eie woorde wat ’n “tuisnyweraar” is. (1)
4. Hoe kan jy geld maak as mense hulle produkte by jou verkoop of uitstal? (1)
5. Kies die regte antwoord:
Die uitdrukking “wit olifant” in paragraaf 5 beteken . . . (1)
a. die olifant is wit.
b. dit is ’n standbeeld van ’n olifant.
c. dit is iets wat jy nie gebruik nie.
6. In paragraaf 4 word van ’n “werf” gepraat. Skryf ’n sinoniem vir die woord neer. (1)
Vrae wat kyk of jy afleidings kan maak.
7. Hoe verskil ’n rommelverkoping en tuisnywerheid van mekaar? (2)
8. Verduidelik wat met die laaste sin bedoel word. (1)
Vrae wat jou gevoel/opinie oor die artikel toets.
9. Watter van die idees sal jy kan gebruik om ekstra geld te verdien? (1)
10. Wat sal jy met die ekstra sakgeld kan maak? (1)
11. Watter ander idees het jy om ekstra geld te verdien? (1)
Totaal: 15 punte
Taal in konteks
Jy kan die Taalgids agter in die boek gebruik om van die volgende vrae te beantwoord.
Beantwoord die volgende vrae in jou werkboek.
1. In die volgende sinne is leestekens soos die punt en komma uitgelaat. Skryf die sinne reg oor.
a. By die veiling is ou klere speelgoed en selfs meubels te koop
b. Onthou om die volgende saam te bring genoeg geld ’n houer om die items in te pak en eie eetgoed
2. Kies die betekenis in kolom B wat by die figuurlike taalgebruik in kolom A pas.
| Kolom AFiguurlike taalgebruik | Kolom BBetekenis |
| Doen die rondte van vader Cloete.Jy gaan jou vingers verbrand.Dit is bo my vuurmaakplek.Geld groei nie
|