Vyf vir vreugde. Ena Murray

as jy dit vasgestel het, en jy besef dalk dis iets waaraan jy niks kan doen nie?”

      “Dan sal ek hom help om dit te verwerk, want hy móét dit verwerk. Ter wille van sy toekoms. Daar is niks in die lewe wat jy nie kan verwerk nie.”

      “Werklik, doktor? Glo jy werklik niks in hierdie lewe is onaanvaarbaar nie? Wat hier binne bly vassteek …?” Hy swyg, kom weer ’n tree nader. “Maar dis nie wat ek jou eintlik wou vra nie.”

      “Wel, wat wou jy eintlik vra, meneer Brynard?”

      Hy staan teenoor haar, deurboor haar met sy skerp blik. “Ek wou jou eintlik vra om met my te trou, doktor Louw.”