John Fian, tried December 26, 1590. The first items relate to his consulting with the Devil and working witchcraft. 7. Item, Fylit, for the rasing of wyndis att the Kingis passing to Denmark, and for the sending of ane letter to Marioun Linkup in Leyth, to that effect, bidding hir to meit him and the rest, on the see, within fyve dayes; quhair Satan delyuerit ane catt out of his hand to Robert Griersoune, gevand the word to 'Cast the same in the see hola!': And thaireftir, being mountit in a schip, and drank ilk ane to otheris, quhair Satane said, 'ye shall sink the schip', lyke as thay thocht thay did. 8. Item, Fylit, for assembling him selff with Sathane, att the Kingis returning to Denmark; quhair Satan promeist to raise ane mist, and cast the Kingis Majestie in Ingland.
Agnes Sampson, tried January 27, 1591. The first part of the dittay is entirely occupied with her conferences with the devil and her healing the sick by his advice. 40. Item, fylit and convict, of the delyuerie of ane letter, quhilk John Fiene, clerk, maid in George Mutis bake hous in the Pannis, accumpaneit with the gudwyff of the hous, Gelie Duncan (and eight others), quha convenit thair for rasing of storme, to stay the Quene's hame cuming to Scotland; eftir consultatioun, quhether Gelie Duncan or Bessie Thomsoun wes meitest to send the letter with; and concludit to send the said Gelie, quhilk letter wes send to Marioun Lenchop in Leyth. The effect quhairoff is this: Marioun Lenchop, ye sall warne the rest of the sisteris, to raise the wind this day, att eleavin houris, to stay the Quenis cuming in Scotland. Lyke as they that wer convenit at the Pannis sould do their part be-eist; and to meit thame that wer in the Pannis; and att thair meting, thay sould mak the storme vniversall thro the see. (Then follows the method of doing this by casting in a cat.)
(From Newes from Scotland.) The said Agnis Tompson (Sampson) confessed, that the Divell, being then at North Barrick Kirke attending their comming, in the habit or likenesse of a man ... and having made his ungodly exhortations, wherein he did greatly inveigh against the King of Scotland, he received their oathes for their good and true service towards him, and departed; which done, they returned to sea, and so home again. At which time, the witches demaunded of the Divell, 'why he did beare such hatred to the Kinge?' who aunswered, 'By reason the King is the greatest enemie hee hath in the world.' All which their confessions and depositions are still extant upon record.
Barbara Napier, tried May 8, 1591. Released. Assisors tried June 7, and acquitted. The said Barbara was accusit, that scho gaif hir presens, in the maist develisch and tressonabill Conventioune, haldin be hir and hir complices in the Divellis name, vpoune Lambmes-ewin last, att the New-heavin callit Aitchesounes-heavin, betuix Musselburcht and Prestonpannis, sin his Majestie come furth of Denmark; quhair war assemblit nyne principallis, to witt, Agnes Sampsoune, Jonett Straittoun, Ewfame McCalyeane, hir selff, Johne Fiene, Robert Griersoun, George Moitis wyffe in Prestoune, Margrett Thomsoune, and Donald Robesoune; quhilk is nyne persounes, the Devill, quha wes with thame in liknes of ane blak man, thocht maist meit to do the turne for the quhilk thay wer convenit; and thairfore, he sett thame nyne nerrest to him selff, in ane cumpany; and thay, togidder with the wyffe of Saltoune myle and the rest of the inferiouris, to the nowmer of threttie persounes, standand skairse the lenth of ane buird frae the foirsaid nyne persounes in ane vthir cumpany;148 Agnes Sampsoune proponit the distructioune of his hienes persoune, saying to the Dewill, 'We haif ane turne ado, and we would fain be att itt gif we could, and thairfore help ws to itt'. The Dewill ansuerit, he sould do quhat he could, bott it wald be lang to, because it wald be thoirterit (thwarted), and he promeist to hir and thame ane pictour of walx, and ordenit hir and thame to hing, roist, and drop ane taid, and to lay the droppis of the taid (mixed with other supposedly virulent poisons), in his hienes way, quhair his Maiestie wald gang inowre or outowre, or in ony passage quhair itt mycht drop vpoun his hienes heid or body, for his hienes distructioune, that ane vther mycht haif rewlit in his Maiesties place, and the ward (government) mycht haif gane to the Dewill. Att the quhilk conventioune, his hienes name wes pronunceit in Latine; and Agnes Sampsoune wes appointit to mak the pictour and to gif it to the Devill to be inchantit, quhilk scho maid in deid, and gaif itt to him; and he promiseit to giff it to the said Barbara and to Effie McCalyan, att the nixt meting to be roistit. Margarett Thomsoun was appointit to dropp the taid. There wes ane appointit to seik sum of his hienes linning claithes, to do the turne with.
Agnes Sampson, continued. Anny Sampsoun affirmed that sche, in company with nyn vthers witches, being convenit in the nycht besyd Prestounpannes, the deuell ther maister being present standing in the midis of thame; ther a body of wax, schaipen and maid be the said Anny Sampsoun, wrappit within a lynnyng claith, was fyrst delyuerit to the deuell; quhilk efter he had pronuncit his verde, delyuerit the said pictour to Anny Sampsoun, and sche to hir nyxt marrow, and sa euery ane round about, saying, 'This is King James the sext, ordonit to be consumed at the instance of a noble man Francis Erle Bodowell!' Efterwart again, at ther meting be nycht at the kirk of Northberick, wher the deuell, cled in a blak gown with a blak hat vpon his head, preachit vnto a gret nomber of them out of the pulpit, having lyk leicht candles rond about him. The effect of his language was till knaw, what skaith they had done, whow many they had won to ther oppinion sen their last meting, what succes the melting of the pictour had tane, and sic vain toyes. And because ane auld sely pure plowman, callit Grey Meill, chancit to say that 'nathing ailit the King yet, God be thankit' the deuell gaif him a gret blaw. Then dyuers amang them enterit in a raisonyng, maruelling that all ther deuellerie culd do na harm to the King, as it did till others dyuers. The deuell answerit, 'Il est vn home de Dieu'.149
Euphemia McCalyan, tried June 9, 1591, executed (burnt alive) June 25, 1591. Evidence was first given as to her practising witchcraft and consorting with well-known witches. Item, indyttit and accusit, of the conventicle had att North Berwick Kirk, tuentie dayes before Michelmas, 1590; and thair inquyring for the Kings pictour, gewin by Annie Sampsoun to the Dewill, to be inchantit, for the tressonabill distructioun of the King. Item, indyttit and accusit, for being att ane Conventioun haldin at the New Heaven callit the Fayrie-hoillis, att Lambmes last wes, to the effect immediatlie aboue writtin. Item, Indytit and accusit, for an Conventioun halden by yow and utheris notorious Wichis, youre associattis, att the Brwme-hoillis, quhair yow and thay tuik the sea, Robert Griersoun being your admerell and Maister-manne. (Then comes the recital of the magical means used to raise a tempest), quhairby the Quene wes putt back be storme. Item, Indytit, for consulting with the said Annie Sampsoun, Robert Griersoun, and diuers vtheris Wichis, for the tressonabill staying of the Quene's hame-cuming, be storme and wind; and rasing of storme, to that effect; or ellis to haif drownit hir Majestie and hir cumpany, be coniuring of cattis and casting of thame in the sea, at Leith, at the bak of Robert Griersounis hous.
Barbara Napier, continued. And siclyke, the said Barbara was accusit, that sche gaif hir bodelie presens vpoun Alhallowewin last was, 1590 yeiris, to the frequent conuentioune haldin att the Kirk of North-Berwick, quhair sche dancit endlang the Kirk-yaird, and Gelie Duncan playit on ane trump, Johnne Fiene missellit (muffled) led the ring; Agnes Sampsoun and hir dochteris and all the rest following the said Barbara, to the nowmer of sevin scoir of persounes.... And the Devill start vp in the pulpett, lyke ane mekill blak man, haifand ane blak buik in his hand, callit on ewerie ane of thame, desyring thame all to be guid serwandis to him, and he sould be ane guid maister to thame. Robert Griersoun and Johne Fian stuid on his left hand; and the said Robert ffand grit fault with the Dewill, and cryit out, that all quhilkis wer besyd mycht heir, becaus his hienes pictour was nocht gewin thame, as wes promesit; the said Effie McCalyan remembrand and bid(d)and the said Robert Griersoun to speir for the pictour, meaning his Maiesties pictour, quhilk sould have been roistit. Robert Griersoun said thir wordis, 'Quhair is the thing ye promiseit?' meaning the pictour of walx, dewysit for roisting and vndoing his hienes persoune, quhilk Agnes Sampsoune gaif to him; and Robert cryit to 'haif the turne done'; yit his hienes name was nocht nameit, quhill thay that wer wemen nameit him; craifand in playne termes his hienes pictour. Bot he ansuerit, 'It sould be gottin the nixt meitting; and he wald hald the nixt assemblie for that caus the soner: It was nocht reddie at that tyme.' Robert Griersoune ansuerit, 'Ye promiseit twyis and begylit ws.' And four honest-like wemene wer very ernist and instant to haif itt. And the said Barbara