«
В
озжелай себя и живот свой казанский царь, и убойся мне, видя и пленение земли своея, и погубление многих людей своих. Передай ми ся самовластно, и служи ми верно, якоже верен друг, а не яко раб и слуга, и царствуя будеши на Казани от мне и до смерти своея.
Такоже и вси людие казанцы, помыслите в себе и пощадите живот свой, и передайте ми град ваш добровольно, по любви и без брани, и без пролития крови вашея же и нашея. И приложитеся к нашему царству, и присягайте нам яко и прежде, ничесоже боящийся от мне, ни страха имуще, и прошу вы всея прежния ми от вас злобы и напасти великия, еже сотвористе отцу моему и мне по нем. Милость и честь великую от мне приимите и от гория смертии скорыя ныне избавитеся, и мне будите любимии друзи и верныя слуги.
И дам вам льготу великую по вашей любви жити в воли своей, по вашему обычаю, и закона вашего, и веры не отыму от вас, и от земли вашея вас никуда по моим землям не разведу, егоже вы боитеся. И токмо оставлю у вас двух или трех воевод моих, сам прочь пойду. А сами вы лучше знаете, и аще не хощете ми повинутися, ни служити и под моею областию быти, и в моем имени, и вы той град ваш празден оставите и зеслю свою со всеми людьми своими, и здравы разыдитеся на все четыре части земли, в кою любо страну хощете и з женами своими, и з детми, и со всем вашим имением, и без боязни и без страха от мне будете, и не угибнет от вас ни един влас главы вашея от вой моих.
Во истенней бо правде и на велику ползу вам глаголю, милующи вас и брегущи, не кровопийца бо есмь аз, ни сыроядец, яко вы есте, погании бусорманы, и не рад кровопролития вашего, но за великую неправду вашю послан Богом, приидох оружием показнити вас. И еще же глаголь моих не послушаете, от Бога моего помощию имам град ваш на щит взяти, вас же всех без милости и жены ваша, и дети под меч подклонити. И падете же и поперетеся, яко прах под ногами нашими.
И не мнитеся, яко играюща мя или пострашающа вас, или яко всуе глаголюща, не имам бо отступити от вас ни до десяти лет, не вземше града, его же бо ради сам приидох аз, не верующи моимь посылаемым мною царем и князем и воеводам.
Не хотяше бо царь князь великий, да пролиется кровь их без ума и без опасения его к ним от него, но хотяше сам преже собою исправити и смирение явити им по заповеди Спасовой, яко «Всяк возносяйся, смирится, смиряяи же себе вознесется»».
И паки слухи они слова милости великого князя и царя всея Русии, тишь облекла всих. И яко же кончено бысть и вычитано все, пустивши казанцы многожды числа стрел своих в людей своих, что в полоне обретоша стояху пред стенами града Казани. И в смерти их напутствовавши крича: «Лучше вам живота лишитися от нешея чистой, нежели от злой христианской руце!»
Не