Sally Swanepoel: (4)
Hein Venter: (3)
9.In Macbeth kom die drie hekse in die donker bymekaar om ’n brousel van allerhande vreemde goed te brou. Hulle voorspel later Macbeth se koningskap en nog later sy ondergang. Kyk gerus vir agtergrond na die volgende You Tube video: Poetry video: The Three Witches from Shakespeare’s Macbeth, performed by Renee LaTulippe:
https://www.youtube.com/watch?v=VY0Hyza6C-U
In Lien se lankstaanskoene is die hekse se vraag oor wanneer hulle drie weer ontmoet en of dit in donderweer, weerlig of reën sal geskied, ook op twee situasies van toepassing.
9.1Waarom moet die drie leerders (sonder die onaktiewe Sally) weer saamkom om iets te doen of te brou? (1)
9.2Die hekse se vraag is ook op Lien, Braam en hulle ma van toepassing. Hulle woon saam, maar elkeen leef apart. Die vraag is wanneer hulle gesin mekaar weer gaan _______________________. Die leser wonder ook oor die omstandighede en moeilike tye (thunder, lightning or in rain?) waardeur die gesin sal gaan. (1)
9.3Macbeth is hier dus ’n _______________________. (1)
Die spanningslyn
•Hoe sal dit met Lien se koffiewinkel-werk by tant Malie gaan?
•Wat sal van Lien en Wouter se vriendskap word?
•Wat sal van Lien se oorsese drome en haar loopbaanplanne word?
•Hoe sal dit met die groeptaak gaan?
•Waarom is Lien onkant betrap deur die vraag of sy ’n prokureur ken?
•Waarom wonder sy of dit hier is waar die haan moet kraai?
•Het sy dalk hier iemand verloën toe sy gemaak het of sy nie ’n prokureur ken nie?
•Sal die gesin mekaar weer vind?
| Simbool: ’n Haan wat kraai is ’n simbool van verloëning, dit is ’n verwysing na die Bybelse Simon Petrus wat ontken het dat hy vir Jesus ken. Jesus het voorspel dat Petrus drie keer sal sê dat hy Hom nie ken nie voordat die haan kraai. Net nadat Petrus dit die derde keer gedoen het, het die haan gekraai.Hiermee sê die skrywer dus dat Lien gejok het en dat sy wel ’n prokureur ken. Wie dink jy is dit? |
Mini-skryfoefening: Beskrywing
Kyk na die beskrywing van karakters soos op bl. 34 en beskryf ’n tiener in drie sinne.
Hoofstuk 3: ’n Kakofonie van klanke
| Wie is Prokofiëf? Lees die artikels Prokofiëf se unieke klanke bly bekoor deur Louis Heyneman, asook Prokofiëf, honderd jaar na sy geboorte geëer, KLASSIEKE KLANKE deur Koos Human, beide in Die Burger se argief. http://152.111.1.87/argief/berigte/dieburger/2003/04/28/DB/4LDNk/08.html http://152.111.1.87/argief/berigte/dieburger/1991/06/03/6/3.htmlKortliks: Hy was ’n Russiese komponis, pianis en dirigent, een van die groot komponiste van verskeie genres van die twintigste eeu, ten spyte van die tragiese teistering wat hy in sy eie land ervaar het. (Hy het die orkesmusiek van “Pieter en die Wolf” geskryf, asook die balletmusiek van “Romeo en Juliet”.) |
Opsomming
•Toe Lien tuiskom, wonder sy geïrriteerd of haar ma werk toe was.
•Haar ma luister in ’n wynwalm na ’n klavierkonsert van Prokofiëf.
•Dit laat Lien die fliek “Dr Somebody” of iets (Dr Zhivago) met sy sneeutonele onthou en sy droom oor Rusland.
•Christien Jooste was mooi, maar het haarself die laaste twee jaar verwaarloos.
•Sy is slordig geklee, sonder grimering en haar hare is ongekam.
•Lien pleit by haar ma om weer klavier te speel, maar sy skud net haar kop.
•Lien skreeu dat sy die klavier vir kos gaan verkoop.
•Tant Malie van die blommerige oumenskoffieplek steek haar dadelik in die werk en rits die reëls en werkwyses af.
•Die ander twee kelnerinne is Agnes, die lange, en Sophie, die ene met die vlegseltjies.
•Lien leer gou dat die oumense verstrooid is en hul bestellings daarom bly verander, en ook baie suinig met fooitjies is.
•Lien maak ’n fout deur die Dinsdag-korting af te trek by nie-pensioentrekkers en die woedende tant Malie wil hê Lien moet dit inbetaal.
•Wouter kom ondersteun vir Lien by die koffieplek en stap saam terug.
•Lien dink met waardering aan Wouter, haar beste pel wat saam met haar by Jakaranda begin het en haar altyd laat lag.
•Braam boer by sy maat, Deon.
•Lien vind haar ma later aangeklam in die sitkamer met haar wynboks en Mozart-musiek.
•Die videokyker kyk na die swartkopvrou se klavierspel en die kinders wat saam sing.
Summary
•Lien doubts whether her mother had been to work.
•Christien Jooste smells of wine and listens to a Prokofiev piano concerto.
•Christien was beautiful once, but now she is dishevelled all the time, without make-up and with uncombed hair.
•Lien begs of her mother to play piano again, but she refuses.
•Tant Malie from the flowery coffee shop has a list of do’s and don’ts for Lien.
•Lien soon learns that the old people are scatter-brained and stingy with tips.
•Lien makes a mistake with the Tuesday discount for non-pensioners. Tant Malie is angry and wants Lien to pay for the loss.
•Wouter supports Lien in the coffee shop and Lien is grateful for his friendship. Wouter walks Lien home.
•Braam spends far too much time with his pal Deon.
•Lien finds her mum in the living room, tipsy, and with her wine box and Mozart playing.
•The chapter ends with the person who watches the home movies. This time it is a video of the dark-haired woman playing the piano, while the two children sing along.
Vrae
1.Waarom is Lien vies vir haar ma kort na haar tuiskoms? Noem twee redes. (2)
2.Lien dink en droom juis hier oor Rusland
a.omdat sy nog altyd soontoe wou gaan.
b.omdat Mr MacMillan hulle daarvan vertel het.
c.omdat haar ma na ’n Russiese komponis luister. (1)
3.Christien Jooste lyk nie meer soos eers nie, want sy verwaarloos haarself as gevolg van (haar kinders/haar werk/haar alkoholmisbruik). (1)
4.WAAR of ONWAAR? Dit ontstel vir Lien so baie dat haar ma nooit meer klavier speel nie, dat sy op haar ma skreeu. (1)
5.___________________________________________ is meestal die kliënte by Malie se Tuin. (1)
6.Tant Malie het twee reëls vir die kelnerinne: Die kliënte moet ________________________________ voel. Kelnerinne moet ____________________________________ en ________________________________wees. (3)
7.Hoe moet Lien die mense aanspreek? (2)
8.Lien ondervind probleme by die werk. Watter een is ONWAAR?
a.Die oumense is verstrooid.
b.Hulle gee min fooitjies.
c.Die ander kelnerinne is onhoflik.
d.Tant Malie is onredelik. (1)
9.Watter van die volgende “foute” van Lien het vir