Die ongelooflike onskuld van Dirkie Verwey. Charl-Pierre Naudé

      Rentia beskryf hoe Hermanus sy storie aan haar voorgelees het, in episodes, jy weet, net soos hy dit geskryf het. Vandag is ons meer liberated as toe, C-P. Ek het gebloos vir Hermie se beskrywings. Stille waters, diepe grond! Het hy by my probeer aanlê? Ek was nogal ingenome met daai gedagte. Hy het die bladsye hardop gelees en hulle so een vir een op die leiklip van die stoep laat val, dit was nog nie gekram nie. Eers het dit vir my gevoel of hy daar en dan bylas, jy weet, want daar is wildeganse en watervoëls in daai aand se hoofstuk gewees en twee keer het die loeries by die swembad aan die onderkant van my grasperk geraas. Toe onthou ek. Wraggies! Die titel was reeds daar: Wildeganse.

      Uit: <[email protected]> Subject: Kwê-kwê