Бұл жерде: «Біреудің өз өміріне немқұрайлы қарауы мүмкін емес!» – деп айқайлауға болады, ал мен осы кезде басымды шайқаймын, өйткені шындығында бәрі одан да жаман. Әрине, сіз бірнеше рет: «Менің өмірім мен үшін маңызды, мен бақытты болғым келеді, маған қуаныш пен махаббат керек», – деп айта аласыз, бірақ әрқайсысынан: «Ал сіз бұл үшін не істеп жатырсыз?» – деп сұрасаңыз, «мен тырысамын», «мен бір нәрсеге ұмтыламын», тіпті «мен бір нәрсе жасап жатырмын…» – деген жауаппен шектеледі, осымен бәрі аяқталады.
Егер біз өмірімізге әлдеқайда тереңірек үңіліп, қарастыратын болсақ, біз 24/7 бойы негізінен өткеннің немесе болашақтың қиялдарында өмір сүретінімізді, ойымыздың әрқашан «басқа жерде» жүретінін, қорқыныш пен көптеген мәселелерді қастерлей отырып, жоқшылық пен кімнің өмірі қиындау деген сияқты шексіз әңгімелерден ләззат алатынымызды түсінеміз. Біз шындықпен күресеміз, жағдайларды бүлдіруге тырысамыз, болып жатқан дүниелерді мойындамаймыз, өмірдің көп бөлігін жоққа шығарамыз, қазірдің өзінде болған фактілерді шексіз өзгертуге тырысамыз. Ең бастысы: біз үнемі өзімізді бірдеңе жасаудан қалай тайдыруға болатынын ойлап отырамыз, нәтижесінде біз ешқандай әрекет етпейміз.
Біз бірдеңе жасай алмауымыздың себептерінің барлық түрлерін ойлап табамыз, неге бізде ештеңе жоқ және неге біз өзіміздің аңсаған армандарымызды орындауға тырыспайтынымызға шексіз сылтаулар ойлап табамыз.
Біз өзімізді кез-келген бейтаныс салдардан қорғау үшін жасалған сансыз сылтаулардың арасында өмір сүреміз. Бірдеңені істеп, түсініксіз нәтиже алғанша, ештеңе істемей-ақ қателеспеу оңайырақ.
Ақымақ болып көрінбеу үшін әрекетсіздігіңізді ақтау оңайырақ. Сондықтан біз өз қалағанымызға қол жеткізбеуіміздің немесе шындығымыз біздің күткенімізге сәйкес келмейтініне жауап ретінде ең қисынды, ең «дұрыс» фактілерді табамыз. Алайда…
Біздің себептеріміз бен сылтауларымыз «шынайы» деген қиялдарымызды жоққа шығарып, және де өміріміздегі «бақытсыздықтар» түтіндей сейіліп, ал біз тіпті ойға сыймайтын тілектерімізді орындап, өзіміз қалағандай өмір сүруіміз үшін мен осы кітапты жазуға шешім қабылдадым.
Барлығы мүмкін! Біздің қалауымызға сырттан әсер ететін ештеңе жоқ. Біздің тілектеріміз, сонымен қатар проблемалар мен оларды шешу жолдары тек өзіміздің қолымызда. Тек өзіміз ғана, өзіміздің шындығымызды құру және оны өз шешімімізге сәйкес өзгерту қабілетіне иеміз.
Алайда, біз кім екенімізді ұмытып, тізгінді тек аудармашы болып табылатын санамызға бердік, ал ол ештеңе білмейді. Ақылдың білімі тек өткен тәжірибеде жатыр, бірақ біз ол бәрін алдын-ала біледі деп шештік және оған сөзсіз сенеміз, сонымен бірге өзімізді ақылмен теңестірдік.
Есіңізде болсын, біз ақыл емеспіз, тіпті өз денеміз де емеспіз, сіз бен біз одан да биікпіз. Біз өз шындығымызды бақылаушылармыз және «өмірімізді Жасаушылармыз». Және де жасау – өз қолымызда. Егер де біз өзімізбен және санамызбен байланыс орната отыра санамызға тапсырмалар беру арқылы, оны қалай басқаруға болатынын анықтасақ, біз сүріп жатқан өміріміздің әр сәтінде шексіз бақытты боламыз.
Мен сізге ақыл-ойымызбен қалай жұмыс істеуге болатынын, өз санамызбен қалай жұмыс істеу керектігін, бірдеңенің жоқтығы үшін өзіңіз ойлап тапқан себептермен шектелуді тоқтатып, көңілсіздік, мұң, тітіркену, ашулануды ғана емес, бізде жетіспейтін игіліктер мен сезімдерді алуды бастау әдістерін көрсеткім келеді.
Иә, бұл оңай емес және ол сіз ойлағандай жылдам әрі керемет болмайды. Бұл өз-өзіңмен табандылықты және қажырлықты талап ететін жұмыс. Және бұл тек ақыл-оймен ғана жұмыс емес, бұл нақты әрекеттер. Біз өз сезімдерімізге сеніп, жаңа көзқараспен әрекет ету арқылы өмір сүруді үйренуіміз керек.
Қайтадан қиялдар мен шектеулерге бой алдырмау үшін өзіңізді және ақыл-ойыңызды бақылауда ұстауға тырысу және бақытты болуға тұрарлық уақытыңызды жұмсау керек болады.
Мен өз кітабымда әр түрлі терминологияны қолданамын, сізге түсінікті болу үшін және сізді шатастырмау үшін, мен бірден түсіндіріп кетейін, мен ойлау бағдарламалары, ойлау үлгілері, шектеулі сенімдер, көзқарастар, ойлау шеңберлері туралы айтамын, мұның бәрі бірдей ұғым.
1 ТАРАУ. ШЫНДЫҚҚА КӨҢІЛІҢІЗ ТОЛМАСА – САНАҢЫЗҒА КӨЗ ЖҮГІРТІҢІЗ
Біздің ойлау қабілетіміз біз қабылдаған шешімдерге әсер етеді. Бір шешімге келу, бару немесе бармау, істеу немесе істемеу, келесі сәтте қалай әрекет ету, әрине, көршіңізге немесе ауа-райына байланысты емес, өзіңіздің ойыңызға байланысты.
Және де біз қабылдайтын әрбір шешім әрекетке ұласады, ал әрекеттер белгілі бір салдарға әкеледі.
Тіпті ілімге терең үңілмей-ақ, салдардың түпкі себебі – біз айналамызда көретін әлем – ойлау нәтижесі екені анық.
Ал