священники и диаконы и диаки, и простые люди, жидовьскую веру величают, а нашу веру православную Христову хулят, да и список еси тех ересей прислал к нам на тех еретиков: и яз, с своим отцем с Митрополитом и с Епископы и со всем собором, по твоему списку, розсудили, что поп Григорей Семеновской, да поп Ересим Николской, да попов Григориев сын Самсонко диак, по правилом Царьскым, дошли градские казни, потому что на них есть свидетельства в твоем списке, а на Гридю на дьяка на Борисоглебьского в твоем списке свидетельства нет, опрочи попа Наума. И яз попа Григорья, да попа Ересима, да Самсонка диака, велел здесе казнити градскою казнию
1, да казнив послал есми их к тебе, с твоим князем с Кривоборским с Иваном: и ты бы у собя собрав собор да обличив их ересь, да и понаказал их; и толко не покаются и перед тобою о той ереси, и ты их пошли к моим наместником, к Якову да к Юрью Захариичем, и ни
2 их тамо велят казнити градскою же казнию. А Гридю диака к тебе же есми послал, и ты его там обыскивай; а на которых еси писал, в том же списке, о тех же ересех, на священников и на диаконов и на диаков, и на простых людей, которые в Новегороде живут, и ты тех обыскивай с моими наместникы; и которых обыщешь, по правилом святых Апостол и святых Отець будут достойны вашей казни церковные, ино то и сам ведаешь; а будут достойны, по правилом, градские казни, и ты тех пошли к моим наместником, и ни
2 их велят казнити градскою казнию по разсужению; а сстатки
3 бы еси, поповы Григорьевы, и поповы Ересимовы, и Самсонковы диаковы, послав своего человека, – а наместьникы мои пошлют с твоим человеком своего человека, – да велите переписати, да переписав, да список ко мне пришлите. А которых иных попов и диаконов и диаков, и простых людей, в том деле обыщете и дойдут градские казни, и наместникы мои велят их казнити, а сстатки их переписав по тому же, да те списки ко мне пришлите».
В конце отмечено: «Князь Великий и Митрополит прислал с Кривоборскым о еретицех в лето 964 Февраля 13».
От митрополита всея Русии
Митрополит Геронтий, в основном, повторяет всё сказанное Государем, ничего не прибавляя от себя, не принимая на себя никакой дополнительной ответственности по борьбе с ересью.
«II. Благословение Геронтиа, Митрополита всея Русии, о святем Дусе сыну и сослужебнику нашего смиренниа, Генадью Архиепископу Великого Новагорода и Пскова. Писал еси к нам свои грамоты, к господину и сыну моему к великому князю Ивану Васильевичю всея Русии да и ко мне, о том, что прозябают ереси в Новегороде, хулы и поруганья от священников и от дияконов и от дияков, и от простых людей, да и списке еси на тех ересников прислал к нам, по чему еси обыскивал, как они хулили Сына Божиа и Пречистую его Богоматерь и ругались святым иконам, а величают жидовскую веру, а нашу православную християнскую веру хулят; и мы то дело с господином и сыном своим, с Великим Князем, и со всем православным Собором поразсудили <…>. А которых еси иных писал в своих спискех, священников и диаконов и диаков и простых людей, что те лихие дела делають, и ты бы того обыскивал с великым прилежанием
