Наши святые врачи. Отсутствует

я́ко ти с Клео́пою, егда́ путеше́ствовали во Еммау́с, се́рдце и душа́ тре́петны бы́ша от прису́тствия Его́. Отню́дуже да сни́дет на ны мир Небе́сный, к Ца́рствию Небе́сному ны руководя́щий и ра́достны ны творя́щий, да возмо́жем стре́лы лука́ваго, на всяк час в нас испуща́еми, отгна́ти. С тем же улучи́м и любы́ Бо́жию, да руководи́т нас к ве́чному Оте́честву, иде́же вся Си́лы Небе́сныя, вси святи́и, Ма́ти Бо́жия пред ни́ми, Ея́же благо́й лик в ико́не, тобо́ю напи́санной, увекове́чен еси́. О́чи серде́ц на́ших да непреста́нно взира́ют на ту ле́поту и е́ю наслажда́ются, да цари́т в нас Ца́рство Небе́сное, в не́же ча́ем моли́твами твои́ми, святы́й Луко́, пресели́тися, егда́ нас Госпо́дь призове́т, да та́мо ве́чно сла́вим Бо́га во Святе́й Тро́ице, Безнача́льнаго Отца́, Единоро́днаго Сы́на и Пресвята́го Ду́ха, во вся бесконе́чныя ве́ки. Ами́нь.