глаголаху Ему: Виждь, что творят в субботы, его же не достоит? И Той глаголаше им: Несте ли николиже чли, что сотвори Давид, егда требование име и взалка сам и иже с ним? Како вниде в Дом Божий при Авиафаре архиереи, и хлебы предложения снеде, их же не достояше ясти токмо иереем, и даде и с ним? И глаголаше им: Суббота человека ради бысть, а не человек субботы ради, тем же Господь Сын Человеческий и субботе. Или несте чли в законе, яко в субботы священницы в церкви субботы сквернят и неповинни? Глаголю же вам, яко церкве боле зде, аще ли бысте ведали, что милости хощу, а не жертвы, николиже осуждали неповинных, Сын Человеческий, Господь и субботы. И прешед оттуду, прииде на сонмище их. Человек ту, руку имый суху. И вопросиша Его, глаголюще: Аще достоит в субботы целити? Да на него возглаголют. Он же рече им: Кто от вас человек, иже имать овча ЕДИНСТВЕННОЕ (едино), и аще впадет в субботы в яму, не имет ли е и измет? Кольми лучши человек овчате? Тем же достоит в субботы добро творити. Тогда глагола человеку: Простри руку твою. И простре, и утвердися цела яко другая. Фарисее же шедше совет сотвориша на Него, како Его погубят. Иисус же разумев отиде оттуду. И по Нем идоша народи мнози, и исцели их всех, и запрети им, да не яве Его творят, яко да сбудется реченное Исаием пророком, глаголющим: Отрок мой, Его же изволих, Возлюбленный Мой, нань же благоволи душа Моя, положу Дух Мой на Нем, и суд языком возвестит, не преречет, ни возопиет, ниже услышит кто на распутиих гласа Его, трости сокрушенны не преломит и лена внемшася не угасит, дондеже изведет в победу суд, и на Имя (ИИСУС- ЗНАЧИТ СПАСИТЕЛЬ) Его языцы уповати имут.
Глава 20
Иисус же отиде со ученики Своими к морю, и мног народ от Галилеи по Нем иде, и от иудеи, и от Иерусалима, и от Идумеи, и со онаго полу Иордана. И от Тира и Сидона множество многое, слышавше, елика творяше, приидоша к Нему. И рече учеником Своим, да корабль будет у Него народа ради, да не стужают Ему. Многи исцели, яко же нападати на Него, да ему прикоснутся, елицы имеяху раны. И дуси нечистии, егда видяху Его, припадаху к Нему и зваху, глаголюще: Ты Сын Божий. И много прещаше им, да не явлена Его сотворят. И взыде на гору и призва, их же хотяше Сам, и приидоша к Нему. И сотвори 12 (дванадесяте), да будут с Ним, и да посылает их проповедати, и имети власть целити недуги и изгонити бесы, и нарече Симону имя Петр, и Иакова Зеведеова и Иоанна брата Иаковля, и нарече има имена Воанергес- сына громова, и Андреа, и Филиппа, и Варфоломеа, и Матфеа, и Фому, и Иакова Алфеова, и Фаддеа, и Симона Кананита, и Иуду Искариотскаго, иже и предаде Его.
Глава 21
Узрев же народы, взыде на гору, и седшу Ему, приступиша к Нему ученицы Его. И отверз уста Своя, учаше их, глаголя: Блажени нищии духом, яко тех царствие небесное; блажени плачущии, яко тии утешатся; блажени кротцыи, яко тии наследят землю; блажени алчущии и жаждущии правды; яко тии насытятся; блажени милостивии, яко тии помиловани будут; блажени чистии сердцем, яко
